صار سنين صابر والگلب موجوع
أضحك بالچذب وبروحي أحزاني
وأگول تهون لازم كل مصيبة تهون
أشو عد المصايب ثبت عنواني
عشت عمري غريب وبس أداوي جروح
ولا اذكر بشر في يوم داواني
شسولفلك شگلك ع الجرة بدنياي
يخلص كل حچي وما تخلص إشجاني
أنا العايش حلم واليقظة حرگة ويل
من يوم الولادة القهــــــر خاواني
فاقد كل أمل إلا بوفاك وياي
ولأغيرك يهمني ولا أريد آني
لأن بسمة شفاتك ليه صارت روح
ولأن نظرة عيونك عندي شي ثاني
وأحس روحي بلهفتك من تكون وياي
وأحس بأحضانك أنت الزمن يرعاني
وأريدك بس أريدك ماتغيب هواي
لأن والله بغيابك موتي يدناني
موضوع: صار سنين صابر 